Platt in Brandenburg

Wo man in Brannborch Plattdüütsch snackt

Melden Sie sich für unseren Newsletter an:

Vor Wiehnachten in'n Fläeming

Richard Oertel 1978

Met däen erschten Sunndach in'n Advent sin wee in'n Wiehnachtskrees injedräetn, däer reekt äewa Wiehnachten un Neejoahr bes hen in'ne Epiphistiestied. Et is no nich mäehr lange hen bes Wiehnachten. De Kingere häen anjefang'n, dea Doa bes Wiehnachten tue telln. In jedet Huus hängt en Adventskranz an vier rode Bängere, ut Fichten odder Dannenjrien jefluchten un met vier rode Kerzen bestoaken. An'n eerschten Advent brennt eene Kerze, met jeden Advent kummt eene wietere datue, bes denne an'n vierten Advent allens viere brennt.

 

Noch um 1900 woar deä Adventskranz no lange nich in jedet Huus up'n Fläeming tue fingere, Sau janz allmäehlich is'et met eäm eerscht sau gewurde'n, dat 'e tue däe Adventstied jeheerte.

Wuran loag dat woll? Eenmoal woll doaran, dat et up'n Fläeming keene Fichten- odder Dannenwäldere nich jejäewen hett, blot Kiefern. De Christbeeme mieten jau ook ut annere Landschaften ranjehoalt warn, weil et dörchut Fichten häet sin mieten. Et kann woll ook sin, dat de beede Weltkrieje datue beejedroahn häen, dat wee un's Advent ut alle Deele van unset Land desammjefiehrt un dodörch kamm woll ook mänjer Bruuk in't wannern.

In de Wochen ferr Wiehnachten is dat Familjenläewen janz besundersch intensiv. In keene annere Tied van't Joahr is dat Meteenaner van'ne Familje, ob jung odder olt, sau enge wie in dese Doa. Et sin besonnere Oarbeed'n, de Junge un Olle, Ellern un Kingere meteenanner vereenen, Oarbeed'n dea hinfiehrn up Wienachten. Doa joaht et z.B. doarum, Christboomschmuck tu bou'n odder hertu-richtene. Doa warrn Sterne ut Strau jebastelt, Näete met Stanniol verjoldet odder versilwert.

„Et wiehnachtet sehre“ Mudder is dabee, Kleenjebäck tu back'n, dat ook als Christboomschmuck joat, wenn nichte Huuswalds Mudder, de Semmelfroae, schon an'n letzten Sunnoand dat in't Huus jebracht hadde. Un dear Schuelmeesta in'ne Schoele jeppt ook en poar Stundene häe, dat de Kingere

ook in'ne Schuele met Wiehnachtsoarbeed'n rumpusseln.Doa warrn Wiehnachstsymbole- Lichtere, Starne un Kriwwene jebout un tu Transparente jeformte, däe danne an'T Fenstere odder ungern Christboom ähren Platz häen. In de Verfreede up Wiehnachten, dea bee oll disse Oarbeed'n hrenjewachsen is, häen denne ook Jeschichten van Peter Rosegger, van Selma Lagerhöff, van Anna Schieber un annere äehren jueden Platz , in'ne Schoele un ook in'ne Familje, un Wiehnachtsliedere ook! Un dat de Spannung imma jräetter ward bee Kingere un ook bee dea Erwachsene, je wieter man rankoam an'ne Wiehnacht'n, dat woar in Jeesdorp nich anners als in Boche un in Maldrhuusen.

VERANSTALTUNGEN

Di., 21. Mai., 18:00 Uhr
Platt in Wittstock
 
Mi., 29. Mai., 15:00 Uhr
1.LAGA-Klönbank in Wittstock
 
Mo., 3. Jun., 14:00 Uhr
Is nu de Sommer doa?
 
Di., 4. Jun., 14:00 Uhr
Platt in Ploigts Gasthof
 

PLATT IN UNS KIRCH

26. Mai., 15:00 Uhr
Platt in uns Kirch in Sewekow