Platt in Brandenburg

Wo man in Brannborch Plattdüütsch snackt

Melden Sie sich für unseren Newsletter an:

Fassnacht up'n Fläemingdorp

Wolf-Dieter Boche

Eenmoal int Joahr häen de Liede up't Dorp in'n Fläeming sau richtich gefie'ert. Fassnacht'n ward nur in'n Fläeming jefie'ert. De Jastwirt un de Juejend häen utjemoakt, wenn denne Fassnachten sinn sull, awwer sau, dat es nich an'nen selwen Dach woar wie in't Dorp näem'a n.Jefie'ert häen alle, ook Jäste ut de Stadt un Vewanntschaft woarn injeload'n un dea Jujent ut dett Nachbardorp is ook jekoam.

Up'n Soal hät de Juejend een Platzmeester utjesucht un denn jings loot mett det  danzen. De Platzmesster jing rum un häet Bure oder Liede ut de Stadt däen Huet upjesetzt unn denne musste dea ne Loa'e jebn. Doa woar schnelle Stimmung in'n Soal. Jedanzt wurr bes de Sock'n schmook'tn. De Ollen, ooch de Verhierad'ten häen nich mettjemoakt. De Frouens häen tujekiekt un de Mansliede häen Koarten jespäelt. Middernachte joahn se alle na Huus um tu äeten. Bie't Fassnachten häen se nich jefasstet! Däe Bure hett en Schwien jeschlacht, Kuke woar jeback'n unn Klemmkuke, een janzen Waschkorf full. De Burschen unn Mäkens häen Jäste mit injeload'n un denne ward jejessen. De Mudder, de Mäade un de Jrootmudder häen de Arweet deväer jehett. Um Tweeje hett de Musike wedder anjefang'n tu späelen. Dat jing denne bis frieh um Sechse un de Juejend is denne durch's Dorp jeloop'n un hett jezempert. Doatomoals sin se mit Masken jeloop'n un häen jesung'n oder nen Zemperspruch jesett:  

Hiete is dea Fassanchtsdach
Häen je ook recht fett jeschlach't?
Jäen je mee en Sticke Speck,
wenn joa ick balle wedder wech.
Jäen je mee en Jlas Bier,
denn bin ick nächschtet Joahr
um die Tied wedder hier.

Twee Doare un twee Nächte häen se jefie'ert, dat woarn de Juejendfassnacht. Jeschlop'n häen se denne hingerher. Twee Wochen späeder häen de Verhieradeten jefie'ert, awwer nur een Dach. Dat hett denne Männerfassnacht jeheeß'n. Aschermittwoch woar et väerbee. De Liede sin wedder an'ne Arweet jejang'n un häen sich ville vertellt öwer de schiene Fassnachtstied un jefreit up's näejste Joahr.

 

 

 

 

 

VERANSTALTUNGEN

Mi., 31. Jul., 15:00 Uhr
LAGA Klönbank Wittstock
 
Do., 1. Aug., 14:00 Uhr
Großderschauer Plattschnack
 
Di., 6. Aug., 14:00 Uhr
Platt in Ploigts Gasthof
 
Mi., 28. Aug., 15:00 Uhr
LAGA Klönbank Wittstock
 

PLATT IN UNS KIRCH

17. Aug., 14:00 Uhr
Plattdüütsch Kirch in Kletztke
 
18. Aug., 10:00 Uhr
Flämingplatt in Reppinichen
 
1. Sep., 15:00 Uhr
Kirchenplatt in Staaken-Gartenstadt