Platt in Brandenburg

Wo man in Brannborch Plattdüütsch snackt

Melden Sie sich für unseren Newsletter an:

Prignitzer Hervstkapriolen

Foto:Astrid Flügge

Disse Blööt hebb ik justament in dat Prignitz-Dörp Zaatzke upnomen. Een lütt Wunner nach den drögen Sommer or een LAGA-Gröt. Grad erst woar ik tosamen mit uns Brannenborger Vereen för Nedderdüütsch in denn niejen Stadtpark west, der för de Lannesgoardenschau inricht is. Grön is et schon, aver Blööten hast keene. Ümmer an de grote Stadtmuur lang geiht dat över jele Wege vun´n Bleichwall rüm um de Bischoffsburch bis nach´n Ebert-Park gliek am Bahnhoff. 13 Hektar grot is de Park twischen Doss un Glinze un Stadtmuur, denn 2019 Goardenfrünn ut janz Brannenborch besöken sulln. De wern grote Oogen maken, wenn se denn Fontane-Goarden ankieken or de Blöömer-Utstellung or över de nieje Dosse-Insel löpen. In Amtshoff givt dat een grote Bühn un da is an 16.Juni 2019 unser Dag: De Nedderdüütsche Dag - Der Niederdeutsche Tag.

Mit´n Gottesdienst up Platt geiht dat los. De Prenzlower bring Uckermärkische Gröte, den Klönschnacker ut Rostock sin doarbi un ok den Kyritzer Shantys. Plattdüütsche Geschichten sin in´t Museum to hoern un in Burghoff truen sich uns Kinners wat un vertelln up Platt. Uns Wittstocker Plattfrünn hemm orntlich wat do doon: Översetten Plantennoam un schrieven Texte.

VERANSTALTUNGEN

Mi., 20. Feb., 15:00 Uhr
Platt in Prenzlau zum Muttersprachentag
 
Fr., 22. Feb., 18:00 Uhr
Flämingisch-Abend
 
So., 24. Feb., 10:00 Uhr
Plattverein auf der 15.Potsdamer Geschichtsbörse
 
Mo., 4. Mär., 14:00 Uhr
Im Märzen de Buer
 

PLATT IN UNS KIRCH

26. Mai., 15:00 Uhr
Platt in uns Kirch in Sewekow