Platt in Brandenburg

Wo man in Brannborch Plattdüütsch snackt

Newsletter

Melden Sie sich für unseren Newsletter an:

Kiek moal wedder in -Wittstocker im Ohnsorgtheater

Dat veerte Moal hemm sich de Wittstocker Plattfrünn up den Wech no Hamburg in‘t „Ohnsorg-Theater“ moakt.

Dat uns  dat Reisebüro Kurschat dissenUtfloog nu schon öwer veer  Johr  bannig goot organisert und so de ganze Dach entspannt afflopen deiht, sall an disse Stell ruhig ok moal secht warn! Dittmoal stünn dat Stück „Willkamen – Willkommen“ as Noamiddachvörstellung up den Ploon – öwer toerst güng dat  hinner de Kulissen! Simone Schmidt, de im „Ohnsorg-Theater“ för dat Marketing tostännig is, het uns öwerall dahen bröcht, wo een Tokieker sünst öwerhaupt nich henkümmt: in de Werkstätten von de Dischlers, Schnierers, Molers – bi all de, de för dat Bühnenbild,  de Kostüme und Utstattung tostännig sünd. Interessant wär dat ok, de Inspizientin bi ehre Arbeit kennen to lehren!

Tum Schluß stünn wi all tosomt up de Bühn, wo kott noher söss junge Schauspälers togang wärn, üm uns as Tokieker mit ehr Theoterstück den Spegel vörtoholln – to unse Instellungen, Bequeemlichkeit und to all de Froogen, mit de wi jeden Dach so to doon hemm. Von all dat – vör und hinner de Kulissen - wern wi dull beindruckt  und hemm hinnerher noch lang daröwer rädt und diskoteert. Öwer disse jungen Schauspälers hemm wi hört, dat se för ehre plattdütschen Rolln uns Sproak toersteenmoal lehrn münn. Een Vitteljoahr Crashkurs – denn münn de jungen Lüüd dat könen! Und de kön dat richtich goot. Und so lehrn se an düsset Theoter nich nur dat Spählen, sonnern gliek ok noch eene ne’e Sproak.

För de plattdütsche Sproak wat vööl im „Ohnsorg-Theater“ moakt. Alleen, wenn man sich den Spälploon ankieken deiht: Da gifft dat wat för jeden Geschmack und för jedet Öller. Ümso mehr hät uns wunnert, dat de Theaterupföhrungen, de vom NDR im „Ohnsorg-Theater“ upnoahm warrn, nich up Plattdütsch sonnern up Hochdütsch spält und im Fernsehen utstroahlt warrn. Dat kann doch nich angoahn! Dat is doch „verkehrte Welt“! To DDR-Tieden wär „Ohnsorg-Theater“ to kieken „Kult“! Dat wär een Strootenfäger! Damols  hemm wi dat up Missingsch hört und sehn. Hüüt, wo de plattdütsche Sproak jere Ünnerstützung för ehre Bewohrung bruken deit und grod de Medien alle Mööglichkeiten hemm, tum Biespöhl mit Unntertitel to arbeiten, da geiht dat üm vööl mehr as üm Inschaltquooten! Dat geiht darüm,  Verantwortung to öwernäm, sich to positioneren und för unse Regionolsproak intostoahn. Dat „Ohnsorg-Theater“ mookt dat! Und de NDR -  kann de dat nich ok?

Adelheid Schäfer (Bild /Text)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

VERANSTALTUNGEN

Di., 7. Apr., 18:00 Uhr
Wittstocker Plattstammtisch der VHS
 
Fr., 17. Apr., 15:00 Uhr
Platt im Prenzlauer Kloster
 
Di., 21. Apr., 18:00 Uhr
Wittstocker Plattstammtisch der VHS
 
So., 26. Apr., 15:00 Uhr
Platt im Prenzlauer Kloster
 

PLATT IN UNS KIRCH

27. Jun., 10:00 Uhr
Platt in Freyensteins Marienkirche
 
27. Jun., 16:00 Uhr
Plattdüütsche Andacht