Een besünneren Dag in Neustadt/Dosse
Oha, dor hett de emsige Fruu Klein oewer groot inlad`t in „Olaf`s Werkstatt“ in denn` brannenborgschen Uurt Neustadt (Dosse)! Insgesamt kemen oewer Viertig Platt- un Heimatfrünn ut dat Rebeet Prignitz, Havelland, Ostprignitz-Ruppin, Havelberg, Potsdam un een Plattschriewer ut Niegenbramborg – he wier all eenen Dag vörher anreist – in de urige Kneipe, üm sick eenen besünneren Dag to gönnen!De Oewernachtung un Fröhstück för Herrn Schmidt in de Pension „Kastanienhof“ wieren för lüttes Geld to hebben
– à la bonne heure, Fomilie Müller!Nah dat gode Meddagäten güng de gesellige Veranstaltung mit Plattläsungen, lustig Vertellers un Riemels, Witzen un Sing-Sang: Dat Prignitzleed, los. All Deelnähmer kemen up ehre Kosten, dat wier so`n richtig schönen plattdüütschen Schnack mit välen Lachern un Applaus!
Kaffee un Koken runnte de Veranstaltung af. To`n Schluß kann man faststellen, dat Plattdüütsch läwt, oewer dat Nedderdüütsch möt unbedingt an uns jungschen Landeskinner wiedergäben warden, dormit dat nich utstarwt. Un wi ollen Plattschnacker möten ok wedder mihr in`n Olldag Platt räden – dunn ward dat wat mit de Erhollung von uns` schönen Heimatspraak! Uwe Schmidt, Niegenbramborg
Fotos: Astrid Flügge