Kinnerreime

Ringel, Ringel, Reihe

Ringel, Ringel, Reege,

wi sün woll Kinner dree'e,

sitten ünnern Hollerbusch -

röpt all tosamen:

Husch, husch, husch!

Gode Nacht

Theodor Storm

Över de stillen Straten
Geit klar de Klockenslag;
God Nacht! Din Hart will slapen,
Un morgen is ok en Dag.

Din Kind liggt in de Weegen,
Un ik bün ok bi di;
Din Sorgen un din Leven
Is allens um un bi.

Noch eenmal lat uns spräken:
Goden Abend, gode Nacht!
De Maand schien op de Däken,
Uns' Herrgott hölt de Wacht.
 
 
 

Fassnacht up'n Fläemingdorp

Wolf-Dieter Boche

Eenmoal int Joahr häen de Liede up't Dorp in'n Fläeming sau richtich gefie'ert. Fassnacht'n ward nur in'n Fläeming jefie'ert. De Jastwirt un de Juejend häen utjemoakt, wenn denne Fassnachten sinn sull, awwer sau, dat es nich an'nen selwen Dach woar wie in't Dorp näem'a n.Jefie'ert häen alle, ook Jäste ut de Stadt un Vewanntschaft woarn injeload'n un dea Jujent ut dett Nachbardorp is ook jekoam.

Weiterlesen …

Vor Wiehnachten in'n Fläeming

Richard Oertel 1978

Met däen erschten Sunndach in'n Advent sin wee in'n Wiehnachtskrees injedräetn, däer reekt äewa Wiehnachten un Neejoahr bes hen in'ne Epiphistiestied. Et is no nich mäehr lange hen bes Wiehnachten. De Kingere häen anjefang'n, dea Doa bes Wiehnachten tue telln. In jedet Huus hängt en Adventskranz an vier rode Bängere, ut Fichten odder Dannenjrien jefluchten un met vier rode Kerzen bestoaken. An'n eerschten Advent brennt eene Kerze, met jeden Advent kummt eene wietere datue, bes denne an'n vierten Advent allens viere brennt.

Weiterlesen …