Wo ik tohus bün: Soaten-Hohensaaten
Hohensaaten - Märkisch-Oderland Von Irene Heinrich
Soaten is een ziemlich ollet Dörp anne Oader, miehr as 750 Joahre old. Doaför sieät et aber no siere schmuck ut. Bekannt is unse Dörp dörch siene beeden Schluusen, diä Oaderschluuse un diä Kanalschluuse. Alle Schöpfoahrt, diä von Schwedt odder Stetttin kömmt un no Berlin will, mut hier dörch. Öfters sin dät ook jrote Luxus-Passagierschöppe, di wi uns dänn bekieken.
Soatsch Platt is bis vö een poar Joahre ville jereäht worden hier int Dörp, nu sin wi bloß noe een Poar. Unse Heimatverein hätt diä „Pflege der Hohensaatener Mundart“ in siene Satzung, un wi jeäwen uns Möh, so vülle as möchlich doavon tue erhollen. Wi hebben a 4 DVD ubjenoahm, wo sich olle Lüde äwer diä Tied dunne ungerhollen hebben.
Irene Heinrich (l) und Sibylle Thum
Doa is diä Räede von Schöpperball inn Winter, wenn diä Damper Winterstand hadden un Oader un Kanal tuejefroaren wieren. Et jaff ees äwer 30 Damperbesitzer in Soaten!
Un dänn wier doa no dä Sängerball un dä Turnerball un eene Menge ängere Jelejenheten tum Feiern inn Winter. Dät beste tum Eäten wieren doabii diä frisch jerösteten Neunoon von Fischer-Willi, ick kann ju seien, eene Delikatesse.
Wi sin eene kleene Gruppe un träffen uns unrejelmäßig, üm platt to räeden un ook, üm Bräuche un Stiebstörekins to sammeln un uptoschriewen. Ook olle Kochrezepte sinn in unse Sammlung.
Im Heimatverein Hohensaaten organisiert Irene Heinrich regelmäßig Mundart-Treffen . Sie finden jeweils um 19 Uhr in der Hohensaatener Dorfstraße 18A in 16259 Bad Freienwalde statt. Der Treffpunkt ist ein ehemaliger Stall aus Feldsteinen und Ziegeln, den die Hohensaatener zum Museums-und Vereinshaus umgebaut haben.
Kontakt :Irene Heinrich,Tel. 033368/70446